Çdo gjashtë muaj, “Kicker” lanson renditjen e lojtarëve më të mirë në Bundesliga në kategori të ndryshme.
Aty është shpallur edhe lista me sulmuesit më të mirë të gjysmës së parë të edicionit 2019/20.
Në sy bie edhe prezenca e sulmuesit nga Kosova, Milot Rashica, pasi futbollisti i Werder Bremenit është renditur në vendin e katërt.
Para tij janë Robert Lewandowski, që po shkëlqen edhe këtë edicion, i përcjell nga Timo Werner.
Vendin e tretë e zë Marcus Thuram, që po ashtu po zhvillon një sezon të madh.
Ndryshe, këtë edicion me Werder Bremenin, Rashica ka qenë më i miri.
Në 15 ndeshje në të gjitha garat, vushtrriasi ka shënuar nëntë gola dhe ka dhuruar tri asistime. /Telegrafi/