Khloe Kardashian të shtunën falënderoi Joe Biden pasi është presidenti i parë i SHBA-së që njohu zyrtarisht masakrën e armenëve nën Perandorinë Osmane si një gjenocid.
“Faleminderit për nderimin e historive, dhimbjeve, vuajtjeve dhe humbjeve të popullit armen”, shkroi ylli televiziv dhe sipërmarrësja me origjinë armene.
Presidenti i Shteteve të Bashkuara të Amerikës bëri një deklaratë duke shënuar 106 vjetorin e fillimit të masakrës.
“Çdo vit në këtë ditë, ne kujtojmë jetët e të gjithë atyre që vdiqën në gjenocidin armen të epokës Osmane dhe rivendosim veten për të parandaluar një mizori të tillë që të mos ndodhë më kurrë”, tha Biden në deklaratën e tij, një kopje e së cilës u publikua në InstaStory të Kardashian.
“Sot, ndërsa vajtojmë për atë që humbëm, le të kthejmë sytë nga e ardhmja – drejt botës që ne dëshirojmë të ndërtojmë për fëmijët tanë. Një botë e pa njollosur nga të këqijat e përditshme të fanatizmit dhe intolerancës, ku të drejtat e njeriut respektohen , dhe ku të gjithë njerëzit janë në gjendje të ndjekin jetën e tyre me dinjitet dhe siguri”, tha Biden.
Shumë nga të famshmit tjerë që janë me prejardhje armene dhe jetojnë e veprojnë në Amerikë kanë bërë thirrje për njohjen zyrtare të masakrës, përfshirë këtu Cher dhe Kim Kardashian. /Telegrafi/