Nuk zgjati shumë dhe erdhi reagimi i Khabib Nurmagomedov për përballjen më të zjarrtë në UFC 249.
Rusi e kishte të pamundur që të udhëtonte në ShBA dhe të përballej me Tony Ferguson, duke dështuar për herë të pestë, derisa Justin Gaethje zuri vendin e tij.
Lufta mbaroi për Ferugosonin, por edhe 12 fitoret e tij radhazi, gjersa humbi edhe titullin e përkohshëm.
No comment.
— khabib nurmagomedov (@TeamKhabib) May 10, 2020
Dagestanezi shkroi në Twitterin e tij:”S’ka koment”, pasi Ferguson e përfundoi meçin në raundin e pestë dhe të fundit, pas goditjeve të shumta që kishte pranuar nga Gaethje.
“The Eagle” më pas i thuri lëvdata Gaethjes, duke thënë se u tregua shumë i mençur me lëvizjet e tij në oktogon.
Khabib tani pritet që të mbroj titullin e kampionit pikërisht ndaj Gaethjes dhe duket se pret një përballje mjaftë e vështirë. /Telegrafi/
@Justin_Gaethje it was so impressive, congratulations. Very smart fight.
— khabib nurmagomedov (@TeamKhabib) May 10, 2020