Khabib Nurmagomedov ka treguar për gjendjen shëndetësore të babait të tij, që kishte pësuar sulm në tru javë më parë.
Abdulmanap Nurmagomedov që është 57-vjeçar kishte pësuar sulm në tru në muajin e maj, e që diagnostikimet kishin treguar për gjendje të përkeqësuar.
Që atëherë, atij i është dashur t’i nënshtrohet një operacioni në zemër, dhe më pas ra në një koma të cilën e ka kaluar së fundmi.
Khabib ka bërë vizita të përditshme te babai i tij, që gjendet në një spital ushtarak në Moskë.
“Gjendja e tij është ende serioze, ai është ende në kujdesin intensiv,” ka thënë Khabib për RT.com. “Coronavirusi është pas tij, por virusi ka sjellë pasoja në veshkat dhe zemrën e tij”.
“Sa i përket virusit, nuk ka nevojë të shqetësohet, vetëm për pasojat e tjera. Unë e vizitoj atë, ai më njeh mua, por nuk ka komunikim sepse është i lidhur me pajisjet [mjekësore]”.
“Çdo ditë që më lejojnë të futem, e kaloj gjysmë ore [me të], e mbaj dorën e tij. Kur unë pyes: ‘Baba, a më njeh mua?’ Ai me gjeste më tregon se më njeh”, ka shtuar më tej ai.
Abdulmanap është një trajner i mirënjohur MMA, dhe ka qenë vazhdimisht i rregullt në luftërat e djalit të tij në oktagon. /Telegrafi/