Khabib Nurmagomedov ka mposhtur Justin Gaethje dhe ka fituar titullin e peshave të lehta në UFC 254.
Nurmagomedov ka fituar në përballjen e zhvilluar në kryeqytetin e Emirateve të Bashkuara Arabe, Abu Dhabi apo më saktë në vendin e quajtur Fight Island.
Raundi i parë prej pesë minutave ishte thuajse i barabartë me Khabib për një nuancë më të mirë.
Luftëtari nga Dagestani pati 24 goditje për dallim nga 22 të luftëtarit nga Amerika.
The biggest fight of the year! #UFC254 pic.twitter.com/0W6dfjMyjb
— UFC (@ufc) October 24, 2020
Raundi i dytë ishte vendimtar në këtë përballje dhe Khabib këtu tregoi forcën.
Pas disa goditjeve nga të dy luftëtarët, Nurmagomedov e lidhi mirë Gaethjen me këmbë deri sa e la pa ndjenja në oktogon.
Gjyqtari u detyrua ta ndërpres meçin duke ia dhënë fitoren Khabibit me nokaut teknik.
Pas kësaj fitore, Khabib vazhdon rekordin pa humbje, prej 29 fitoreve. /Telegrafi/
Respect. #UFC254 pic.twitter.com/pgS1YhI2CF
— UFC (@ufc) October 24, 2020