KH Rahoveci ka pësuar humbje në ndeshjen e parë ndaj ekipit rumun CS Minaur Baia Mare në kuadër të EHF European Cup.
Hendbollistët tanë pësuan humbje me rezultat 31:38 ndaj një kundërshtari që njihet për përvojën e tyre të pasur në këtë garë.
Në këtë sfidë përkundër humbjes së pësuar nuk mungoi mbështetja e madhe e tifozëve në palestrën “Mizair Isma” të cilët si çdo herë ishin në numër të madh të pranishëm.
Sidoqoftë, kjo sfidë nuk është fundi për Rahovecin pasi ata do të zhvillojnë edhe ndeshjen kthyese.
Ndeshja kthyese mes Rahovecit dhe ekipit rumun është paraparë që të zhvillohet më datë 30 nëntor me fillim nga ora 15:00.
Telegrafi do të vazhdojë t’iu mbajë të informuar për më të rejat e fundit dhe rezultatet e KH Rahovecit në garat evropiane dhe më tej./Telegrafi/