KFOR-i ka mbajtur një stërvitje të planifikuar në kampin amerikan të Bondsteelit në Kosovë.
Trupat italiane, letoneze, sllovene, turke, britanike, amerikane dhe zvicerane kanë zhvilluar një trajnim për kontrollimin e trazirave.
Kjo është një parapërgatitje për “Operational Rehearsal Exercise Level 2” që do të kryhet më 5 shtator nga Misioni i KFOR-it i drejtuar nga NATO.
“Ky është një ushtrim rutinë, i kryer çdo dy vjet në mbështetje të misionit të KFOR -it. Ai ka për qëllim ruajtjen e nivelit të kërkuar të gatishmërisë së trupave aleate dhe partnere, në kuadër të misionit tonë të vazhdueshëm të KFOR-it për të ruajtur një mjedis të sigurt dhe të sigurt dhe lirinë e lëvizjes për të gjitha komunitetet që jetojnë në Kosovë, sipas mandatit tonë të Këshillit të Sigurimit të OKB –së”, shkruan në faqen zyrtare të KFOR-it në Kosovë.
Ndryshe, pas stërvitjeve të gjitha forcat shtesë do të kthehen në vendet e tyre përkatëse. /Telegrafi/
