Ekipet e KFOR-it në bashkëpunim të ngushtë me pjesëtarët e Forcave të Sigurisë së Kosovës kryen një aktivitet të kombinuar të shkatërrimit të mbetjeve shpërthyese.
Sipas KFOR-it, operacioni u zhvillua nga 7 nëntor deri më sot në Gerbesh dhe u nda në dy faza përgjatë dy ditëve.
“KFOR dhe FSK po punojnë së bashku me profesionalizmin me qëllim që të mbajnë një mjedis më të sigurt për të gjithë shtetasit në Kosovë”, thuhet në njoftimin e KFOR-it.
