Shumë gjëra interesante ndodhën në ndeshjen e mbrëmshme në ligën NBA, por duket se në qendër të vëmendjes ishte Kevin Durant.
Ky i fundit është lënduar gjatë fitores së Golden State Warriors kundër Houston Rocketsit me rezultat 116-91.
Në fund të çerekut të tretë, basketbollisti amerikan lëndoi këmbën e djathtë dhe shkoi drejt në zhveshtoret e ‘luftëtarëve’.
Kevin Durant goes to the locker room after suffering an apparent non-contact injury on lower leg pic.twitter.com/JCLv3szwz8
— Bleacher Report (@BleacherReport) May 9, 2019
Lëndimi në shikim të parë nuk dukej i rrezikshëm, por dëmtimi i këmbës shkaktoi spekulime se sa do të mungojë lojtari.
Siç raportohet nga mediat amerikane dhe gazetarë të shumtë sportivë, të cilët njoftuan se basketbollisti lëndoi kyçin e këmbës ose tendën e Akilit.
Ndryshe, stafi mjekësor i klubit njoftoi se Durant do të bëjë një rezonancë magnetike për të përcaktuar natyrën e saktë të lëndimit. /Telegrafi/