Prezantimi i iPhone 12 i Apple është padyshim njoftimi i tij më i madh i vitit, por 2020 nuk ka mbaruar akoma dhe mund të kemi edhe një ngjarje tjetër.
Ndërsa ngjarjet mund të jenë virtuale këto ditë, pajisjet e reja që do të prezantohen nga Apple, mund të prezantohen brenda këtij viti, transmeton Telegrafi.
Këtu janë katër gjëra të mëdha që mund të shohim ende para se të kalojë viti.
Apple TV Gjenerata e 6-të
Kanë kaluar tre vjet që kur Apple përditësoi për herë të fundit setin e saj, me Apple TV 4K që solli video me rezolucion më të lartë dhe një rritje të performancës.
Megjithatë, që nga ajo kohë, edhe pse kemi parë azhurnime të tvOS dhe aplikacione dhe shërbime të reja televizive si lançimi i Apple TV +, hardueri kryesor nuk ka ndryshuar.
Sigurisht, Apple ka provuar se mund të bëjë shumë me softuer të ri.
Mbështetja e Dolby Atmos, për shembull, arriti në tvOS 12. E njëjta gjë, ka qartë disa fusha ku mund të bëhen përmirësime.
Telekomanda është pa dyshim më e rëndësishmja nga ato. Kontrolluesi i Apple tashmë ka shumë përmirësime, dhe njëra ndër to është edhe Siri.
Apple TV ka cipin A10X Fusion i cili daton që nga viti 2017: ai mund të bëjë gjëra të tilla si 2160p, HDR10 dhe Dolby Vision.
Apple AirTags
AirTags janë përfolur prej kohësh nga Apple. Ato pritet të jenë të rrumbullakëta, si disqe të vogla rrethore.
Duke përdorur të njëjtën teknologji UWB, pozicionimi i AirTags pritet të jetë shumë më preciz sesa metodat tradicionale të Bluetooth.
“Hidhni” një realitet të shtuar, ndërkohë, dhe mund të hapni me lehtësi një aplikacion lokalizues “Find My” në iPhone tuaj dhe të shihni saktësisht se ku ndodhet ajo që po kërkoni në hapësirën 3D.
Ndërkohë, me një Apple TV ose HomePod mini të mundësuar nga U1, ju gjithashtu mund të kërkoni nga Siri të kërkojë për sendin tuaj të humbur.
Saktësisht se kur do të mbërrijnë AirTags ka qenë disi e panjohur.
Kufje Apple AirPods Studio
Ngjashëm e pasigurt kur bëhet fjalë për datën e lansimit janë zgjerimi i markës AirPods nga Apple në grupin e saj të parë të “kufjeve mbi vesh”.
AirPods Studio pritet të prezantohen me mjaft bujë nga Apple, sepse janë përfolur shumë herë këto “kufje mbi vesh” deri më tani.
Apple Silicon MacBook
Së katërti nga gjërat që më shumë presim të shohim nga Apple, është Apple Silicon MacBook.
Apple Mac i parë që përdor dizajnin e brendshëm të çipave të kompanisë do të zbulohet para se të mbarojë viti.
Tim Cook konfirmoi përsëri në qershor, se po e dëbon Intel dhe x86 nga kompjuterët e saj.
Kompjuteri i parë me fuqi Apple Silicon pritet gjerësisht të jetë një MacBook. Laptopi mund të ketë një ekran 12-inç me Retina, ose ndryshe do të jetë një ripunim i MacBook Air që është ende i disponueshëm tani.
Përtej kësaj – megjithatë ka gjasa që këto të prezantohen në fillim të 2021 sesa në fund të vitit 2020. /Telegrafi/