Bota është e mbushur me stereotipe. Të gjithë ne shohim femra dhe meshkuj të bukur në ballinat e çdo reviste të modës.
Sidoqoftë, jeta reale është shumë larg përsosmërisë, dhe hulumtuesit e marketingut më në fund e kanë kuptuar se bukuria natyrale nxitë më shumë emocione, transmeton Telegrafi.
Më poshtë i keni disa reklama të pesë kompanive të modës, ku në qendër të vëmendjes janë gratë e zakonshme. Ato mund të mos jenë të përsosura, por janë të mrekullueshme!
“ModCloth”
Kjo kompani kishte vendosur t’i ftojë punëtorët e vet të marrin pjesë në reklamat e bikineve të reja, në vend se të punësonte modele profesioniste dhe të bukura.
Fotografitë janë shkrepur gjatë një pushimi të zakonshëm, ndërsa gratë pjesëmarrëse e kanë ditë se fotot nuk do të modifikohen me ‘Photoshop’.
“Lonely”
Kompania e të brendshmeve, me seli në Zelandën e Re, ka marrë shumë reagime pozitive përmes këtij projekti interesant.
Fillimisht, reklamat e kësaj kompanie shfaqnin aktore të njohura nga seriali “Some Girls”, por tani ballina e faqes së kompanisë është e mbushur me gra të ndryshme nga e gjithë bota – ato janë të holla, të plota, me tatuazhe, me shenja në trup, pozojnë në shtëpi etj.
Qëllimi i projektit është i thjesht: bikinet i rrinë mirë çdo gruaje.
“Naja”
Kjo ide ishte krijuar nga Catalina Girald dhe Gina Rodriguez – themelueset e brendit – dhe gratë me ngjyra të ndryshme të trupit do të pozonin për foto-projektin “Nude for All”.
“American Apparel”
Për momentin, kompania është duke u ballafaquar me sfida të ndryshme, por kampanja e tyre e vitit 2014 ishte diçka që nuk harrohet lehtë.
62 vjeçarja Jacky O’Shaughnessy ishte bërë fytyra e brendit atëkohë – të cilën agjenti i kompanisë e kishte parë në një kafene.
Slogani i kampanjës kishte qenë, “Të qenit seksi nuk ka afat skadimi”. /Telegrafi/