Përqindja e divorcit në Amerikën Veriore është rreth 50%, që i bie se gjysma e martesave përfundojnë me divorc.
Shenjat e problemeve në martesë ndodhin në zona të ndryshme dhe shpeshherë nuk mund t’i vëreni.
Komunikimi
Shumë çifte bien në një rutinë e cila i mban të nxënë me përgjegjësitë familjare dhe ato profesionale, prandaj nuk kanë shumë kohë të flasin për gjëra personale, apo me njëri-tjetrin, transmeton Telegrafi.
Nëse e vëreni se bisedat tuaja janë vetëm rreth asaj se a janë paguar faturat, çfarë ka për darkë, a e ke dërguar fëmijën në shkollë etj., atëherë sigurohuni që çdo ditë të ndani diçka të re dhe të ndjeshme me partnerin tuaj.
Seksi
Lidhjet dështojnë edhe për shkak të mungesës së aktivitetit seksual, prandaj një shenjë e madhe se keni probleme martesore, është kur vjen puna te seksi.
Nëse keni vërejtur ndryshime në rutinën e rregullt seksuale, atëherë duhet të keni kujdes dhe bëni diçka për t’i ndryshuar gjërat, si p.sh., dilni në darkë romantike pasi që do t’ju ndihmoj me komunikimin, por edhe mund të përfundoni me ‘fat’, transmeton Telegrafi.
Paratë
Shumë çifte përfundojnë me divorc për shkak të stresit që i sjellin sfidat financiare. Një nga problemet me paratë mund të jetë se njëri nga ju është i fokusuar shumë në blerjen e gardërobës, përderisa tjetri ka interesa tjera personale.
Sidoqoftë, komunikimi prapë mbetet mënyra më e mirë për t’i zgjidhur problemet financiare dhe duhet të arrini marrëveshje se si duhet t’i shpenzoni paratë.
Mos hezitoni t’i mirëkuptoni këndvështrimet e njëri-tjetrit sa i përket situatave financiare. /Telegrafi/