Në dy vitet e fundit, njerëzit kryesorë të Ministrisë së Mbrojtjes, Zoran Jolevski, Arben Llabënishti, Ilmi Selami, Bekim Maksuti dhe Elizabeta Çupovska-Ristova kanë hjarxhuar thuajse 2 milionë denarë para të buxhetit, për udhëtime, dreka, e blerje tjera.
Kartelën zyrtare më së shumti e ka përdorur Zoran Jolevski, i cili ka harxhuar 19.5 mijë euro gjatë vizitave zyrtare jashtë shtetit, ku përfshihet një qëndrim në një hotel që ka kushtuar thuajse sa gjysma e harxhimeve.
Zv. ministri i mbrojtes, Bekim Maksuti, ka harxhuar 6800 euro për 14 muaj, kurse Ilmi Selmani, ish-zv. ministër ka harxhuar 2600 euro për dreka dhe darka.
Edhe zv. ministri tjetër, Arben Llabënishti ka harxhuar para. Për katër muaj ka harxhuar 1350 euro për dreka e darka, ndërkaq sekretarja shtetërore, Elizabeta Çupovksa-Ristova ka harxhuar 110 mijë denarë, për dreka dhe darka, por edhe për blerje në markete apo fast food-e./Telegrafi/