Për herë të parë në internet është publikuar lista me emrat e afër 10 mijë komandantëve dhe rojeve naziste të cilët kanë marrë pjesë në vrasjen e mbi një milion hebrenjve gjatë Luftës së Dytë Botërore.
Baza e të dhënave është shumë e ngarkuar dhe përmban qindra fotografi të kryerësve të krimeve, kurse atë e ka publikuar Instituti Polak i Përkujtimeve Nacionale (INR) në mënyrë që të hedh poshtë informacionet e rreme se shumë roje në kampin famëkeq Aushvic, dhe në kampet e tjera, kanë qenë polakë, shkruan Dailymail, transmeton Telegrafi.
Në listën prej 9,686 vetash janë kryesisht persona me prejardhje gjermane, të cilët para Luftës së Dytë Botërore ishin kryesisht fermerë.
Shefi i Institutit polak (INR), Jaroslaw Szarek, ka thënë se ky arkiv online është krijuar me qëllim që të demantohen të pavërtetat.
“Ne nuk shprehim mendimin tonë, ne prezantojmë fakte tronditëse”, tha Szarek.
Për ta parë arkivin komplet me emrat e 9,686 personave që kryen krime klikoni KËTU. /Telegrafi/