Gjithmonë puthen pasi të përshëndeten
Kjo mund t’ju duket shumë e thjesht, mirëpo nëse e puthni të dashurin dhe e përshëndetni pasi të largoheni është shumë e rëndësishme. Edhe nëse jeni me vonesë për punë apo shkollë, gjithmonë bëjeni këtë gjest të thjeshtë. Kjo gjë e lezetshme duhet të jetë traditë e përditshme që tregon se sa shumë e dashuroni partnerin, transmeton Telegrafi.
Gjejnë kohë për të folur çdo ditë
Kjo është e domosdoshme dhe e rëndësishme nëse dëshironi të keni një lidhje të mirë. Pyetni partnerin se si e kanë kaluar ditën dhe tregoni se si e keni kaluar ju. Provoni ta bëni njëri-tjetrin të ndjeheni sikurse keni qenë pjesë e atyre momentit, pavarësisht se nuk keni qenë bashkë. Në përgjithësi, çiftet zakonisht e neglizhojnë këtë shprehi sepse nuk e dinë fuqinë që e ka për të forcuar apo dobësuar lidhjen.
“Të dua” gjithmonë e thoni me zë
Kjo frazë asnjëherë nuk e humbë vlerën. Të njëjtën vlerë apo rëndësi do ta ketë edhe pas 30 viteve martesë. Njerëzit kalojnë përmes dyshimeve dhe frikësimeve edhe kur janë në lidhjet më të mira, brengosen që nuk janë më tërheqës apo nuk janë mjaftueshëm të mirë për partnerët.
Mund të jetë e lehtë për dikë të ndjejë që zjarri i dashurisë është zhdukur, veçanërisht kur gjithçka kthehet në rutinë. Ruajeni partnerin nga këto mendime negative thjesht duke i treguar se sa shumë e dashuroni.
Provojeni dhe do të shihni një buzëqeshje të ndritshme në fytyrën e të dashurit tuaj.
Vazhdoni ta befasoni njëri-tjetrin
Kjo nuk do të thotë se duhet të dilni dhe t’i blini partnerit dhurata të shtrenjta, apo të dilni në darka luksoze çdo ditë. Thjesht putheni partnerin tuaj papritmas në faqe dhe tregoni se sa me fat ndjeheni që e ndani një jetë me të.
Edhe befasitë më të vogla mund të ndezin shkëndija në një lidhje. /Telegrafi/