Pasi është caktuar shumë që do të marrin veteranët e pa punë të UÇK-së nga Qeveria e Kosovës, sot Ministria e Punës dhe Mirëqenies Sociale ka treguar formë se si mund të përfitohet pensioni prej 170 eurove.
Kjo shumë e caktuar nga Qeveria është kritikuar ashpër nga veteranët pasi që është konsideruar tepër e ulët.
Njoftimi i Ministrisë së Punës.
NJ O F T I M
Duke u bazuar ne Udhëzimin Administrativ (MPMS) Nr. 01/2015, të gjithë aplikantët për realizimin e pensionit të veteranit-luftëtar të UÇK-së, duhet ta kompletojnë dokumentacionin si ne vijim:
1.Kërkesa për realizimin e pensionit të veteranit-luftëtar të UÇK-së;
2. Dokumenti i identifikimit të aplikantit (letërnjoftimi),në kopje;
3.Vërtetimi i lëshuar nga Zyra për Çështjet e Kategorive të Dala nga Lufta;
4.Çertifikata e lindjes së aplikantit, e nxjerrë në gjashtë muajt e fundit, në origjinal;
5.Çertifikatat e lindjes së fëmijëve të Veteranit të UÇK-së, në origjinal;
6.Vërtetimi nga ATK-ja, që nuk është në marrëdhënie punë;
7. Fatura e energjisë elektrike.
Kërkesa bashkë me të gjithë dokumentacionin përcjellës të cekur më lart, duhet të dorëzohet tek zyret rajonale të Departamentit të Familjeve të Dëshmorëve dhe Invalidëve të Luftës (DFDIL) . /Telegrafi/