Monumenti i vendosur në qendër të Prishtinës, i cili simbolizon Pavarësisë e Republikës së Kosovës, “NewBorn” edhe këtë vit si çdo vit tjetër do të marrë pamje ndryshe.
Në 12-vjetorin e Pavarësisë, autori i kësaj vepre, Fisnik Ismaili me ekipin e tij kanë vendosur që ndryshimin i këtij monumenti t’i kushtet viktimave të abuzimit seksual gjatë konflikteve anë e mbanë botës.
Ngjyra e cila dominon kësaj here në dizjan është e zeza, derisa shkronja “W”, është e dizajnuar me lule të ndryshme shumë-ngjyrëshe, të cilat shpërndahen edhe në shkronjat tjera të këtij monumenti.
Këtë e ka bërë të ditur vet Fisnik Ismaili përmes një fotografie të publikuar në Facebook.
“Kushtuar të gjitha viktimave te abuzimit seksual gjatë konflikteve anembanë botës”, shkruan Ismaili, krahas fotografisë.
Ismaili ka shkruar tutje duke dhënë përshkrimin e dedikimit të NewBorn për kauzën e viktimave të përdhunuara gjatë luftës, jo vetën në Kosovë, por në gjithë botën.
“I çliruem prej politike, i kthyem në profesionin në të cilin zemrën e kam pasë përherë, në këtë vegëz është përshkrimi i dedikimit të NEWBORN 12 për kauzën e viktimave të përdhunueme gjatë luftës, jo veç në Kosovë, por krejt botën. Të bahemi zani i tyne. Never, Ending, Wars, Bring, Oppression, Rape & Neglect (Luftërat e pafundme sjellin shtypje, përdhunime e shpërfillje). Kushtuar të gjitha viktimave te abuzimit seksual gjatë konflikteve anembanë botës”, shkruan Ismaili. /Telegrafi/
