Sandalet ngjyrë kafe janë një zgjedhje e modës e përjetshme
E dimë që sandalet janë një pjesë e domosdoshme verore dhe së fundmi theksi është vënë te modelet e sheshta.
Edhe pse vera është sinonim i ngjyrave shumëngjyrëshe dhe e eksperimentimit në dizajnë dhe modele, ende sundon estetika e luksit të qetë dhe ne kthehemi tek ato klasike që shkojnë me të gjitha kombinimet.
Këto janë, para së gjithash, të bardha, të zeza dhe aktualisht më të njohurat – kafe e errët, ngjyrë çokollate, e cila zakonisht shoqërohet me stinët më të ftohta të vitit, transmeton Telegrafi.
Është një ngjyrë që nxjerr luks dhe elegancë, por shkon jashtëzakonisht mirë me një çehre të nxirë, flokë më të hapur, shpinë të zhveshur dhe lëkurë shkëlqyese. Mund ta vishni si rastësisht ashtu edhe në mënyrë shumë të rafinuar.
Për sa i përket kombinimeve, përshtatja ideale është me ngjyrën e artë ose të bardhë. Nëse dëshironi të jeni më kreative, mund ta vishni me kapele kauboj dhe të gjithë e dimë shumë mirë se sa popullor është trendi i Perëndimit të Egër tani për tani.
Ngjyra kafe shkon mirë edhe me printin leopard, dhe është e vetëkuptueshme që nuancat neutrale si kjo janë të përjetshme dhe gjithmonë një investim i zgjuar.
Më poshtë ju sjellim frymëzim se si të vishni sandale ngjyrë kafe dhe vjen nga Instagrami:
/Telegrafi/