Cilat janë sfidat në fushën e Marrëdhënieve me Publikun (PR) dhe si ia dalin gratë në këtë fushë? Përgjigje për këto e pyetje të tjera do të ipen në eventin “Nga Sfidat te Suksesi – Gratë në Public Relations”, i organizuar nga Hapite Space në bashkëpunim me PR Solutions.
Eventi organizohet me rastin e festës së 8 Marsit dhe synon të sjellë në pah rolin dhe kontributin e grave në fushën e PR, duke ndarë përvojat e tyre frymëzuese.
Ndonëse PR-it është një fushë dinamike dhe sfiduese, gratë kanë arritur të krijojnë ndikim të madh me punën dhe përkushtimin e tyre.
Përmes këtij eventi, pjesëmarrësit do të kenë mundësinë të dëgjojnë nga profesioniste të suksesshme, të cilat do të ndajnë sfidat, sukseset dhe këshillat e tyre për të gjitha gratë që dëshirojnë të avancojnë në këtë industri.
Panelistet e ketij eventi jane:
Violeta Hyseni – Kelmendi – Menaxhere rajonale e komunikimit për Evropën Lindore në Helvetas,
Hyrije Mehmeti – Specialiste në PR & Komunikim
Sherife Kçiku Vishaj – Specialiste e PR -it dhe COO në PR Solutions.
Ky panel do të zhvillohet në formën e një bisede të hapur, duke krijuar një ambient miqësor dhe interaktiv për të shkëmbyer mendime dhe përvoja profesionale.
Detajet e eventit:
-Data, 7 Mars
-Ora, 12:00 – 13:30
-Vendi, HaPiTe Space, Aktash.
Numri i pjesëmarrësve është i limituar, prandaj ju inkurajojmë të rezervoni vendin tuaj sa më shpejt në këtë link: https://hapite.net/gratenepublicrelations
Ejani të festojmë suksesin e grave në PR dhe të frymëzohemi nga historitë e tyre të jashtëzakonshme!