Kessie zgjedh ‘top 4’ lojtarët më të mirë në secilën pozitë, befason me zgjedhjet e tij

Franck Kessie ka zgjedhur formacionin me ‘top 4’ lojtarët më të mirë në secilën pozitë, ndërsa të gjithë janë të pensionuar tashmë dhe vetëm njëri ka të kaluar me Barcelonën.

Mesfushori nga Bregu i Fildishtë është transferuar këtë verë te Barcelona si lojtar i lirë, pasi vendosi të mos rinovojë kontratën me Barcelonën.

Kessie ka filluar ta gjej veten tashmë në ambientin e ri, duke luajtur në disa miqësore dhe duke kaluar mirë me bashkëlojtarët e rinj.

Lexo po ashtu Lewandowski, Kounde dhe transferimet e verës - Ky është njëri nga formacionet e mundshme të Barcelonës në sezonin e ri

Ai tashmë ka hyrë në ‘rrjedhat’ e klubit dhe së fundmi ka zgjedhur formacionin me ‘top 4’ lojtarët më të mirë në secilën pozitë, zakon për secilin lojtar që transferohet te Barcelona.

Megjithatë, Kessie ka befasuar të gjithë me zgjedhjet e tij, pasi asnjëri nga ta nuk është lojtar aktual i Barcelonës apo legjendë e klubit, dhe vetëm njëri ka të kaluar me klubin nga Camp Nou.

Të gjithë lojtarët e zgjedhur nga mesfushori 25-vjeçar janë legjenda të kombëtares së tij, Bregut të Fildishtë.

Në portë, Kessie ka zgjedhur Boubacar Barry, i cili ka mbrojtur për shumë vite portën e kombëtares së tij, ndërsa në mbrojtje ka zgjedhur Kolo Touren.

Në mesfushë, 25-vjeçari ka zgjedhur Yaya Toure që ka të kaluar me Barcelonën, teksa në sulm Didier Drogban. /Telegrafi/