Të reshurat e shiut të cilat kanë rënë të hënën pasdite kanë shkaktuar edhe dëme të konsiderueshme. Përveç prishjeve në rrjetin elektrik, prishje ka pasur edhe në infrastrukturën rrugore.
Madje në Prishtinë afër Shkollës Fillore “Elena Gjika” ujin nga të reshurat atmosferike nuk po mund ta “gëlltit” as rrjeti i kanalizimit.
Po ashtu moti i ligë të hënën ka shkaktuar dëme edhe në Qendrën e Studentëve në UP. Si pasojë erës Konviktit 1 iu është hequr pullazi.
Ndryshe sipas Institutit Hidrometeorologjik të Kosovës (IHMK), në Prishtinë kanë rënë 39 litra shi për një metër katrorë. /Telegrafi/