Dielli dhe temperaturat e larta mund të jenë mjaft të dëmshme për bimët e kopshtit
Erika Chernoh, hortikulturiste e Shërbimit të Universitetit Shtetëror të Oregonit tregon disa truke të shkëlqyera që do t’u sigurojnë bimëve tuaja një zhvillim të këndshëm jashtë gjatë vapës.
Ujitni bimët në mëngjes në mënyrë që të kenë kohë të thithin lagështinë e nevojshme, para se të arrijë nxehtësia më e madhe. Ujitni thellë në tokë, të paktën 15 centimetra nën sipërfaqe.
Gjethet janë treguesi më i mirë se kur bimët kanë nevojë për ujë – ato thjesht fillojnë të vyshken, transmeton Telegrafi.
Shikoni mirë bimët tuaja dhe nëse gjethet sapo kanë filluar të vyshken, është koha për t’i ujitur ato.
Ju gjithashtu mund të hapni një vrimë pranë bimës, dy deri në tre centimetra të thellë, për të parë nëse ajo duhet të ujitet.
Për më tepër, duhet të kihet parasysh se bimët në tokë ranore duhet të ujiten më shpesh sesa ato në tokë argjilore, e cila e mban ujin e tokës ranore shumë më gjatë.
Vazot e varura dhe të bluara kërkojnë ujitje më të shpeshtë sesa bimët e mbjella në tokë. Kontrollojini më shpesh duke futur gishtat në tokë dhe shikoni nëse është i thatë. Gjithashtu gjatë vapës zhvendosni në hije vazot e varura me lule.
Mbushni dheun rreth bimëve, pasi kjo do të ngadalësojë avullimin e ujit, dhe për këtë mund të përdorni kashtë, komposto ose pleh të dekompozuar.
Për të mbrojtur bimët e vlefshme, përdorni një pëlhurë të projektuar posaçërisht si hije – vendosni kornizën dhe përhapni pëlhurën, por mos e vendosni direkt mbi bimë në mënyrë që bimët të kenë qarkullim të papenguar të ajrit. Kështu, temperatura nën hije mund të jetë 10 gradë më e ulët.
Në kohë temperaturash të larta, shmangni të gjitha aktivitetet që mund të shkaktojnë stres shtesë për bimën, si transplantimi, krasitja ose plehërimi.
Nëse rritni fidanë, sigurohuni që t’i zhvendosni në një vend me hije. /Telegrafi/