Disa orë pasi aeroplani i fundit amerikan u largua nga Kabuli, duke i dhënë fund luftës së zgjatur në Afganistan, talebanët pushtuan aeroportin e Kabulit.
Kështu, sipas mediave të huaja, përcjell Telegrafi, udhëheqësit talebanë ecën në pistë, duke shpallur fitoren.
Aeroporti, i cili shërbeu për ditë për evakuimin e aleatëve, ka qenë plotësisht në duart e talebanëve që nga mëngjesi i sotëm, 17 ditë pasi talebanët hynë në Kabul.
#Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p
— Nabih (@nabihbulos) August 30, 2021
Kjo do të thotë gjithashtu se talebanët tani kanë kontroll të plotë mbi Kabulin.
Kujtojmë, SHBA njoftoi të hënën se kishte përfunduar tërheqjen e forcave të saj nga Afganistani gati 20 vjet pas sulmeve në atë vend në përgjigje të sulmeve të 11 shtatorit 2001 ndaj Amerikës.
Më shumë se 122,000 njerëz u larguan nga Kabuli me një urë ajrore të vendosur më 14 gusht, një ditë para se kontrolli i Afganistanit të rimerrej nga talebanët, të cilët i siguruan strehë grupit militant Al Kaeda, i cili akuzohet për sulme në Nju Jork dhe Uashington në 2001.
Uashingtoni dhe aleatët e NATO-s nuk e kishin parashikuar që talebanët do të merrnin pushtetin kaq shpejt dhe u detyruan të largoheshin shpejt nga vendi, duke lënë prapa mijëra afganë për t’i ndihmuar.
17 full days between the Taliban entering Kabul after President Ashraf Ghani fled the country and the Taliban taking control of the airport after the last U.S. officer toot off. pic.twitter.com/6UWW1S9Zhm
— Hassan I. Hassan (@hxhassan) August 31, 2021
“Ky largim ishte shumë i dhimbshëm. Ne nuk arritëm të merrnim gjithçka që donim”, ka thënë gjenerali Frank McKenzie, komandant i Komandës Qendrore të SHBA, në një konferencë për shtyp në Pentagon.
Evakuimi emergjent u përfundua para afatit të së martës, të caktuar nga presidenti amerikan Joe Biden, i cili vendosi të zbatojë një marrëveshje për tërheqjen e trupave të nënshkruar me talebanët nga paraardhësi i tij, Donald Trump. /Telegrafi/