Këshilli penal ka vendosur që nuk ka nevojë për shqiptimin e masës së kujdesit për të dyshuarit në lëndën „Tortura“, respektivisht për pjesëtarët e njësisë policore “Alfa”, transmeton Telegrafi Maqedoni.
„Këshilli penal pranë Gjykatës themelore Shkupi 1, duke vepruar sipas ankesës së PSP, kundër vendimeve të gjykatësit në procedurë paraprake të datës 14.07.2016 lidhur me lëndën e PSP të njohur në opinion si “Tortura”, pas mbledhjes së mbajtur solli vendime me të cilët ankesat e Prokurorisë speciale publike i ka refuzuar si të pabaza”, thuhet në kumtesën e Gjykatës themelore.
Me vendimet e miratuara, Këshilli i vërtetoi vendimet e gjykatësit në procedurë paraprake me të cilët u refuzua propozimi i PSP për shqiptimin e masës “ndalesë për ndërmarrjen e aktiviteteve të caktuara të punës që janë të lidhura me veprën penale kundër 6 personave”. Vendimet e anonimizuara për të 6-të personat janë publikuar në ueb faqen e gjykatës“, ka bërë të ditur Gjykata themelore Shkupi 1./Telegrafi/