Këshilli Opozitar me një anketë me disa qytetar ka konstatuar se protesta e 9 majit do të jetë e fuqishme, njofton Telegrafi Maqedoni.
”Dje është realizuar një anketë me banorët e Shkupit, lidhur me protestën e thirrur nga Këshillit Opozitar për më 9 Maj, të hënën e ardhshme. Qytetarët e shumtë të anketuar si; studentë, afaristë, gra, burra, të moshuar, e të rinj kanë thënë se do të jenë pjesëmarrës në protestën e 9 Majit në Shkup, dhe se duhet të gjithë shqiptarët të dalin në këtë protestë. Marshi Protestues i 9 Majit në Shkup po përkrahet fuqishëm nga shumë subjekte opozitare, organizata joqeveritare, familjarët e të dënuarve në rastet e montuara politike, si dhe qyetarën në përgjithësi. Ndryshe, në ditën e përvjetorit të ngjarjes në Kumanovë që përkon edhe me ditën e Evropës, Këshilli Opozitar ka paralajmëruar marshin protestues që do të shënojë këto dy ngjarje, i cili do të fillojë në ora 17:30 nga parku i Çairit dhe do të vazhdojë deri tek ndërtesa e Qeverisë së Maqedonisë.” thonë nga Këshilli Opozitarë./Telegrafi/
