Në seancën e sotme në Këshillin e Komunës së Gostivarit u miratuan vendime me të cilat mundësohet ndërtimi i institucioneve të reja të moshës parashkollore në fshatrat Çegran, Forinë dhe Raven.
Këshilltarët sollën vendim për formimin e çerdhes “Gëzimi fëmijëror”- Çegran, si dhe vendime për dhënien në shfrytëzimin të hapësirave të objekteve të shkollave fillore në Forinë dhe Raven për kujdesin e fëmijëve, përcjell Telegrafi Maqedoni.
Po punohet edhe për hapjen e Qendrave për zhvillimin e hershëm të mëngjesit nga 3 deri në 5 vjet, projekt që Komuna e Gostivarit e realizon me përkrahjen e UNICEF./Telegrafi/