Këshilli Grevist i Prokurorisë Speciale të Kosovës, kanë marrë vendim që nga sot të hynë në grevë të pjesshme nga një orë ditë, e cila do të zgjasë deri të premten.
“Ju njoftojmë e Këshillit Grevist të Prokurorisë Speciale të Republikës së Kosovës, të cilët nga dita e hënë (sot 12 mars), kanë vendosur të hynë në grevë të pjesshme nga një orë në ditë prej orës 09:00 – 10:00, e cila formë e grevës do të zgjatë deri të premten (16 mars).
Greva do të mbahet për shkak të mos përmbushjes së stimulimit në paga të cilat janë të parapara me Ligjin për buxhetin e Republikës së Kosovës, gjegjësisht për Prokurorinë Speciale të Republikës së Kosovës (PSRK)”, thuhet në njoftimin për media.
Kërkesat e tyre janë:
1. Kthimi i shtesës në mënyrë retroaktive nga 1 janari i këtij viti;
2. Garantimi i kësaj shtese si shtesë e përhershme duke rregulluar një herë e përgjithmonë këtë çështje, pa marrë parasysh ngritjen apo mos ngritjen e pagave të prokurorëve;
3. Kërkesa për avancimin e zyrtarëve ligjor të cilët kanë dhënë provimin e Jurisprudencës dhe ata të cilët tani më i kanë dorëzuar kërkesat për avancim , si dhe, cilit do punëtor i cili plotëson kërkesat ligjore për avancim apo ngritje në detyrë në pajtim me dispozitat ligjore.
Greva do të mbahet në objektin e Prokurorisë Speciale të Kosovës./Telegrafi/