Kesha është detyruar të ulej në dysheme gjatë ‘MTV VMA 2017’, sepse nuk e kishte gjetur vendin e saj të lirë gjatë ceremonisë.
Këngëtarja 30-vjeçare ka postuar një fotografi ku shihet e ulur në dysheme, dhe ka shkruar: “VMA humbën vendet tona, kështu…”.
Ndryshe, Kesha doli në skenë gjatë kësaj ngjarje për të dhënë një mesazh të fuqishëm për vetëvrasjet, transmeton Klan Kosova.
“Duhet guxim i madh për të treguar anën e ndjeshme të qenies njerëzore. Dhe ne të gjithë kemi atë palë të prekshme”.
“Çfarëdo që po kaloni, sado e errët të duket, ekziston një e vërtetë dhe forcë e pamohueshme në faktin se nuk jeni vetëm”.
“Të gjithë kemi vështirësi. Dhe për aq kohë sa nuk heqë dorë nga vetja, drita do të thyejë errësirën”, ka deklaruar ajo.