Telegrafi

Kërkohet evakuim urgjent i fëmijëve të sëmurë dhe të plagosur nga Aleppo

Kombet e Bashkuara kanë bërë të ditur se rreth 500 fëmijë të sëmurë dhe të plagosur, duhet të evakuohen urgjentisht nga pjesa jugore e Aleppos, ku po zhvillohen luftime.

Udhëheqësi i grupit humanitar nga OKB për Siri, Jan Egland tha se për shkak të kësaj situate, nevojitet një armëpushim i menjëhershëm, për të evakuuar fëmijët nga qyteti, por sipas tij, në këtë moment ka pak gjasa të ndodh kjo, AFP raportoi, transmeton KosovaPress.

Ai thotë se janë grumbulluar furnizime ushqimore për 150.000 njerëz dhe janë duke pritur në pjesën perëndimore të Aleppos.

Egland tha se për herë të parë qeveria siriane ka miratuar qasjen e OKB-së për të ofruar ndihma, por kjo është e pamundur pa pezullimin e luftimeve.