Kamerat e sigurisë kanë kapur momentin rrëqethës kur një kamion i vjedhur në Teksas përplaset në një shtëpi mobile (në rrota), ku si pasojë humb jetën një grua që ishte brenda shtëpisë e partneri i saj lëndohet rëndë.
Shoferi i kamionit që është identifikuar nga policia si Eric Black, përplasi mjetin gjigant me 18 rrota dhe që në rimorkio kishte një pirunar, duke shkatërruar plotësisht një shtëpi të vogël në skaj të rrugës, transmeton Telegrafi.
E nga përplasja e fuqishme mbeti e vdekur Aylene “Nicole” Heany, 50-vjeçe, e partneri i saj Jeff Conyers, 54-vjeç, mbeti lënduar rëndë.
Black tashmë ishte në arrati nga policia dhe po tentonte të ikte për të shmangur prangat, kur kamionin që e kishte vjedhur rrëshqiti në një moment dhe goditi shtëpinë mobile.
Ai tani pritet të përballet me akuza të reja, për arratisje, vozitje të rrezikshme dhe vrasje. Sipas policisë në Houston, kamionin e kishte vjedhur nga një kompani që e kishte raportuar vjedhjen pak orë para se të ndodhte aksidenti fatal. /Telegrafi/
