Organizata qytetare dhe nisma të ndryshme nëpërmjet një letër publike kërkojnë nga kryetari i shtetit, Stevo Pendarovski dhe nga kryeministri Zoran Zaev të aktivizojnë pjesëtarët e armatës dhe të policisë që të mbrohet e drejta e qytetarëve për mjedis të shëndoshë jetësor.
“Çdo ditë jemi dëshmitarë të deponive të ndezura, ndezje të zjarreve në hapësira të hapura dhe zjarre nëpër pyje, të cilat rrezikojnë shëndetin dhe integritetin fizik të qytetarëve. Për këtë qëllim, kërkojmë nga pjesëtarët e armatës dhe të policisë në koordinim me të gjitha kapacitetet e Drejtorisë për Mbrojtje dhe Shpëtim, Qendrat rajonale për menaxhim me kriza, Shtabet komunale për mbrojtje dhe shpëtim, Inspektorati shtetëror për mjedis jetësor, Inspektorati shtetëror komunale, inspektorati i Bashkisë së Shkupit dhe inspektoratet e komunave që në mënyrë aktive të përfshihen në aktivitete”, thuhet në letrën e ‘O2 iniciativa”, përcjell Telegrafi Maqedoni.
Ata kërkojnë patrollime secilën ditë të pjesëtarëve në armatës dhe policia në terren në mënyrë që të parandalohet dhe dënohet ndezja e zjarreve në hapësira të hapura, posaçërisht ndezja e mbeturinave deponive të egra etj. Ata thonë ushtarët dhe policët duhet të jenë të pranishëm edhe gjatë natës dhe të edukojnë qytetarët në terren për pasojat e dëmshme të ndezjes së zjarrit në hapësira të hapura.
Sipas tyre, armata dhe policia duhet që në mënyrë aktive të përfshihet në mbrojtjen e qytetarëve dhe me praninë e tyre të veprojnë sipas ligjeve për t’u parandaluar fenomene të tilla negative./Telegrafi/