Një pikturë në të cilën shfaqet nudo kandidati potencial i republikanëve në SHBA për garën presidenciale të nëntorit, Donald Trump, pritet të shfaqet të hënën në një galeri arti në Londër, për t’u shitur. Çmimi i saj fillon nga miliona funte.
Galeria “Maddox” do të shfaq pikturën, që titullohet “Ta bëjmë Amerikën të madhe sërish”.
Piktura është krijim i artistes nga Los Angelosi, Illma Gore, e cila është ballafaquar deri më tani me sulme të ndryshme. Ky imazh është bllokuar nga disa ueb-faqe e rrjete sociale, si Facebook dhe Instagram.
“Çfarë do të bëni? Do ta mbuloni Davidin e Michelangelos?”, pyeti drejtori i Galerisë “Maddox”, James Nicholls.
Artistja Gore, që është vetëm 24 vjeçe, tha se ka marrë edhe kërcënime për këtë vepër të saj, madje me vdekje. /oranews/
