Në ditët e ngrohta, mokasinet mund t’i mbathni pa çorape, më vonë këpucët me toja bashkë me xhinse, pantallona plishi, këmishë, xhaketë.
Për shumicën janë të preferuara, sepse i japin notë të veçantë çdo kombinimi, transmeton Telegrafi.
Qoftë të jeni adhurues të stilit sportiv, të lehtë (komod) apo elegant, këpucët me lëkurë antilope lehtë do t’i përshtatni me pjesë të ndryshme të gardërobës.
Nga ngjyrat më të përshtatshme janë bezhë, e verdhë dhe e gështenjtë deri te nuancat e ndryshme të së kaltrës.
Këpucët me lëkurë antilope kërkojnë kujdes dhe mirëmbajtje të veçantë, përdoret sprej për mbrojtje nga shiu, ndërkaq njollat hiqen me ujë, me gomë për shlyerje, me brushë dhëmbësh apo me tretje të lehtë të alkoolit dhe uthullës. /Telegrafi/
