Këpucari rumun, i cili gjatë valës së parë të epidemisë së coronavirusit bëri këpucë të mëdha që sigurojnë mbajtjen e distancës së përcaktuar midis njerëzve, ka nisur një linjë të re dimri – madhësia e çizmeve
Punëtorinë e këpucëve e ka në qytetin Cluj të Transilvanisë, transmeton Telegrafi.
Pos porosive të rregullta, ai thotë që ka marrë edhe porosi nga këngëtarët, ndër të cilët janë edhe grupi amerikan i rokut dhe ansambli belg i valleve, por edhe nga njerëzit me shputa të mëdha.
– Kam marrë shumë porosi nga njerëzit të cilët kanë shputa të mëdha. Kanë konkluduar që nëse mund të prodhoj numrin 75, mund të prodhoj edhe numrin 50 – thotë Lup.
Një palë çizme shiten me çmim rreth 150 eurosh.
– Çizmet kanë astar lëkure dhe sholla të trasha – ka thënë ai, duke shtuar që për këto çizme shpenzon tre fish më shumë lëkurë se për çizme të zakonshme”. /Telegrafi/
