Këngëtarja, aktorja dhe personaliteti televiziv amerikan, Tamar Braxton, ka tentuar ta vrasë veten – raporton Entertainment Tonight.
Motra e të famshmes Toni Braxton është gjetur pa vetëdije në një dhomë në Los Angeles, ndërsa aktualisht thuhet se është në gjendje të qëndrueshme.
Spekulohet se Tamar, e cila është themeluese e grupit “The Braxtons”, ka tentuar ta vrasë veten duke marrë një sasi të madhe të barnave.
43-vjeçaren e ka gjetur i dashur i saj, ndërsa bëhet e ditur se në muajt e fundit ajo ka kaluar një periudhë të rëndë dhe emocionale.
Këngëtarja e nominuar për Grammy ishte hospitalizuar të enjten mbrëma, pasi shërbimet emergjente ishin thirrur në rezidencën e saj me dyshimin për mbidozë dhe përpjekje për vetëvrasje.
Edhe pse është në gjendje stabile shëndetësore, ajo vazhdon të jetë nën mbikëqyrjen e mjekëve. /Telegrafi/
