Fillimisht Jesy Nelson hoqi dorë nga “Little Mix” për të nis një karrierë ‘solo’ dhe tani Jade Thirlwall po e mendon të njëjtën gjë.
Këngëtarja thuhet se ka filluar në një seri bisedimesh sekret me “Atlantic Records” për mundësinë e nënshkrimit të një kontrate fitimprurëse për një karrierë solo.
Nëse Jade arrin një marrëveshje me ta, ajo do të jetë në shoqëri të mirë pasi labeli është shtëpia e disa prej yjeve më të mëdhenj në botë, duke përfshirë Ed Sheeran, Rita Ora dhe Charli XCX.
“Jade ka punuar shumë për muzikën e re dhe ata që i kanë dëgjuar këngët thonë se tingëllojnë mahnitëse. Jade tashmë është takuar me “Sony” për të biseduar, por me të vërtetë i ka bërë përshtypje Atlantiku – dhe të gjitha shenjat tregojnë se ajo do të shkojë me ta”, ka thënë një burim, shkruan The Sun.
“Dihet mirë se Little Mix do të pushojë pas turneut të tyre vitin e ardhshëm dhe nuk është çudi që Jade tashmë është duke punuar në këngë solo”, tha tutje ky burim.
Dhe Jade nuk është e vetmja anëtare e grupit që kërkon karrierë ‘solo’
Leigh-Anne Pinnock do të jetë bashkë-prezantuese e Mobo Awards muajin e ardhshëm në Coventry, pas nënshkrimit me kompaninë menaxhuese të Dua Lipës, “Tap”.
Ndërkohë, Perrie Edwards është e zënë duke krijuar një karrierë të re, pasi lansoi markën e saj të veshjeve luksoze “Disora”.
Por ajo nuk po e lë muzikën pas, pasi thuhet se kompania “Sony” dëshiron të nënshkruaj me të për një marrëveshje diskografike. /Telegrafi/
