Kënga “Një grusht Qershi”, që u krijua nga rok grupi Gjurmët në vitet e 80-ta, është kënduar nga këngëtarë të shumtë, kryesisht gjatë organizimeve të ndryshme nëpër mbrëmje.
Por, kësaj radhe vjen në një version elektronik nga Blerta Kosova, e cila punoi edhe pjesën melodike, transmeton Telegrafi.
Kjo është hera e parë, që Blerta sjellë një përpunim në gjuhën shqipe, pasi të gjitha këngët që i ka lansuar deri më tani janë në gjuhën angleze.
Kjo vjen si pjesë e një projekti, ku përfshihet edhe lansimi i albumit që do të ndodhë së shpejti. /Telegrafi/
