Murat Boz tashmë e sa kohë është në lidhje me aktoren Asli Enveri.
Kjo e fundit ka prejardhje shqiptare, të cilën e ka pranuar edhe publikisht ndërsa së fundi po shfaqet në serialin “Istanbul Gelini”.
Dihet se besnikëria është vetia më e mirë e shqiptarëve, gjersa edhe në shtetin turk besatohen me fjalën “Arnavut sozu (Besa e shqiptarit)”, transmeton Telegrafi.
E duket se këngëtari edhe në saje të kësaj beson verbërisht në të dashurën duke pohuar se nuk e imagjinon se do të tradhtohet prej Enverit.
“Më së shumti më dhemb kur dalin lajmet e rrejshme për tradhti mes nesh. Asli nuk është një femër prej këtyre të zakonshme. Ajo është speciale”, ka thënë ndër të tjerash për mediat turke Boz.
Ndryshe, këngëtari dhe aktorja kanë rënë në dashuri të parë në talent shoun muzikor “O Ses Turkiye”, ku Asli ishte mysafire nderi ndërsa Boz është anëtar i jurisë. /Telegrafi/