Barcelona ka shënuar fitore ndaj Osasunas si mysafir me rezultat 2-1, fal një penallti në fundin e ndeshjes.
Golin e parë e shënoi Jules Kounde, ndërsa nga pika e bardhë ishte i saktë Robert Lewandowski.
Pas ndeshjes ka folur trajneri Xavi për mediat, duke treguar se çfarë i mungoi Barcelonës në ndeshje me Osasunan.
“Na mungoi loja kreative, durimi dhe krijimi i më shumë rasteve”.
“Ne punuam, na u desh të luftonim. Vuajtëm shumë. Në fund morëm tre pikë në një stadium shumë të komplikuar për të luajtur”, ka thënë Xavi.
Barcelona dukej jo mbresëlënëse në sulm shumicën e kohës kundër Osasunas.
Në një farë mënyre, skuadra e Xavit ishte me fat që mori fitoren pasi fitoi penallti në fund. Barcelona e ka nisur sezonin me dy fitore dhe një barazim. /Telegrafi/