Mërgim Berisha është duke kaluar nëpër një formë të shkëlqyer këtë edicion me Augsburgun në elitën e futbollit gjerman Bundesliga.
Sulmuesi kosovar është i huazuar te skuadra gjermane nga Fenerbahce, teksa është pikë referimi e kësaj skuadre.
24-vjeçari ka realizuar gjashtë gola dhe ka asistuar në katër të tjerë në 16 ndeshje në Bundesliga.
Por ai vazhdon të mos ftohet nga Kombëtarja e Gjermanisë, përkundër se ka shumë zëra në mediat gjermane se një ftesë për të do të vije në mars.
Trajneri i Augsburgut, Enrico Maassen e ka lavdëruar shumë kosovarin, duke thënë se ka pak si ai në Bundesliga.
“Berisha ka një vlerë të madhe për ne dhe është një futbollist me shumë potencial” ka deklaruar Maassen.
“Unë mendoj se ka pak sulmues qendror më të mirë se Berisha, ai është njëri nga më të mirët në Bundesliga”, u shpreh Maassen.
Kjo deklaratë e Maassen është një mesazh për trajnerin e Kombëtares së Gjermanisë, Hansi Flick për ta ftuar sulmuesin shtatlartë. /Telegrafi/