“Kemi bërë ndeshje shumë të keqe” – Hansi Flick shpërthen ndaj lojtarëve të Barcelonës pas barazimit ndaj Celta Vigos

Barcelona ka lëshuar fitoren nga duart në udhëtim te Celta Vigo duke barazuar me rezultat 2-2.

Katalunasit kishin epërsi të dyfishtë 0-2, por në 10 minutat e fundit të ndeshjes pranuan dy gola dhe humben mundësinë të largoheshin me tre pikë nga kjo ndeshje.

Hansi Flick ka folur pas ndeshjes, duke thënë se ata kanë bërë një ndeshje të keqe që nuk do shumë justifikime.

Lexo po ashtu Celta Vigo bën përmbysje të madhe për të fituar një pikë ndaj Barcelonës

“Të gjithë thanë se Celta është një ekip i vështirë, që ne do ta shohim sot. Por kjo nuk është justifikim, ne duhet të luajmë më mirë. Është një çështje përqendrimi,” tha Hansi Flick pas barazimit të Barçës me Celta.

“Ne ishim të varfër, jo vetëm në 10 minutat e fundit, stili dhe loja jonë ishin të këqija për të gjithë 90 minutat. Kemi bërë një lojë të keqe”.

“Kemi bërë shumë gabime dhe duhet të flasim për to për të bërë një ndryshim”.

“Ne duhet të ndryshojmë. Askush nuk është i kënaqur me këtë”, tha ndër të tjera trajneri gjerman.

Përkundër barazimit, Barcelona vazhdon të jetë lider në La Liga me 34 pikë. /Telegrafi/