Në kuadër të projektit për prodhimin e transportuesve të armëve në Turqi, është kryer pranim dorëzimi i mjeteve që do të shërbejnë për forcat e këmbësorisë turke.
Ceremonia e pranim-dorëzimit të mjeteve është zhvilluar në kompleksin FNSH në Ankara. Në kuadër të këtij projekti, forcat turke deri në vitin 2022 do të porosisin në total 260 transportues të armëve, përfshirë 184 me zinxhir dhe 76 me rrota, transmeton Telegrafi.
Gjithashtu do të porositen 64 mjete tjera të tipit KORNET-E dhe 196 OMTAS. Në anën tjetër shefi i zyrës së industrisë ushtarake Ismail Demir, ka bërë të ditur se industria e mjeteve ushtarake turke në drejtim të duhur drejt realizimit të objektivave.
“Në të ardhmen do të rrisim dukshëm prodhimin vendorë sa i përket mjeteve ushtarake për forcat tona. Çeliku për mjetet dhe motorët janë faktorët kryesor kur flasim për varësinë nga furnizuesit e huaj”, ka shtuar Demir.
Kompanitë turke tashmë janë duke punuar në zhvillimin e teknologjisë për prodhimin e mjeteve të lehta dhe atyre të rënda për forcat e këmbësorisë. /Telegrafi/
FNSS’te gerçekleştirilen Silah Taşıyıcı Araçlar Projesinin ilk teslimat törenine katıldık ve firma gezisinde bulunduk.
Kahraman ordumuzun gücüne güç katmak için çalışmalarımıza devam ediyoruz.🇹🇷🇹🇷🇹🇷 pic.twitter.com/yBjNbioj7t
— Ismail Demir (@IsmailDemirSSB) December 25, 2019