Në Forumin e Bashkëpunimit Ekonomik ndërmjet Kosovës dhe Italisë, që po zhvillohet në Romë, në delegacionin e Kosovës, që udhëhiqet nga kryeministrit Mustafa, po merr pjesë edhe zëvendëskryeministri Ramiz Kelmendi, i cili në këtë forum ka shprehur pikëpamjet e tij në shumë aspekte zhvillimore të vendit.
Zëvendëskryeministri Kelmendi, përmes një postimi në Facebook, ka thënë se në fokusin i shpalosjeve dhe prezantimeve të tij në Forum ishte informimi për ambientin e përmirësuar investiv, politikat tatimore dhe fiskale të favorshme, resurset humane të mjaftueshme profesionale dhe të moshës së re…”, transmeton Telegrafi
Postimi i plotë i zv.kryeministrit Kelmendi:
“Ambientet e takimit kokë më kokë të bizneseve kosovare-italiane.
Romë, Itali
‘Forumi Ekonomik për Kosovën’
Fokusi i shpalosjeve dhe prezantimeve të mia si zv/Kryeministër ishte informimi për ambientin e përmirësuar investiv, politikat tatimore dhe fiskale të favorshme, resurset humane të mjaftueshme profesionale dhe të moshës së re, perdorues të teknologjive, hapësirë për investime, për shitje të linjave teknologjike prodhuese, të linjave agropërpunuese dhe bujqësore.
Shpalosa dhe prioritetet dhe mundësitë me sistemet e ujitjes dhe serave për katervjeçarin e ardhshëm, industrinë ushqimore, industrinë e tekstilit, energjisë dhe mineraleve si dhe folëm mbi rolin e AKP-së si agjenci për privatizimin e aseteve shoqërore me theks mundësitë që ka ligji për investime strategjike.
Qeveria e Republikës së Kosovës mbetet e hapur për negociata individuale me investitorët e mundshëm. Puna dhe angazhimi ynë mbetet në fuqizimin e ligjit në këto sfera, veçanërisht në ligjet e favorshme mbrojtëse nga aktet e ndyshme joligjore.
Ramiz Kelmendi – zv/Kryeministër”(sic.), ka shkruar Kelmendi. /Telegrafi/
