Korporata Energjetike e Kosovës (KEK) nuk po a zbaton vendimin e Qeverisë për faljen e borxheve të grumbulluara nga përfundimi i luftës e deri në fund të vitit 2008.
Zyrtarë të KEK-ut kanë thënë se shumë shpejt pritet që të fillojë falja e borxheve. Ndërsa, ata arsyetohen se disa paqartësi të Udhëzimit Administrativ për faljen e borxheve, si publikimi i listave kanë qenë disa pengesa për fillimin e implementimit të ligjit.
Edmond Nulleshi, zëdhënës në KEK, ka thënë se shumë shpejt pritet të fillojë falja e borxheve. Sipas tij, listat do të publikohen në ueb-faqe, së bashku me udhëzimet e nevojshme për konsumatorë.
Nulleshi ka thënë se në Udhëzimin Administrativ për faljen e borxheve nuk është përcaktuar se deri kur është afati i fundit për faljen e borxheve.
“Përkundër sfidës së faktit se bazat aktive të shënimeve të konsumatorëve të energjisë elektrike janë në KEDS/KESCO, KEK-u është duke përmbushur të gjitha kërkesat ligjore që dalin nga Ligji për Falje të Borxheve dhe legjislacioni i ndërlidhur. Në këtë vijë, KEK-u ka arritur të bëjë definimin e saktë të të gjitha borxheve që janë subjekt i këtij legjislacioni. /Zëri/Telegrafi/