Shuma totale e inkasuar është 160 milionë euro, që sipas tyre, është 20 për qind më e lartë se periudha e njëjtë e një viti më parë kur ishin inkasuar 134.5 milionë euro.
Referuar komunikatës për media të KEK-ut rritjes së inkasimit i ka paraprirë stabilizimi i furnizimit me qymyr, rritja e prodhimit të energjisë elektrike që ka ndikuar direkt edhe në furnizimin me energji elektrike, i cili është më i miri nga paslufta.
“Rregullimi përfundimtar i KEK-ut nënkupton arritjen e inkasimit 100 për qind, eliminimin e humbjeve komerciale dhe shtrirjen e autoritetit të plotë të korporatës në tërë territorin e vendit, që do të arrihet gjatë javëve në vijim”, thuhet më tej në komunikatë.