Jarrod Camara dhe Leslie Walker janë martuar në Kaliforni, ndërsa para ceremonisë, një mik i tyre e kishte vërejtur aktorin Keanu Reeves në një lokal, të veshur me pajisje për motoçikletë.
Më pas, çifti martesor e ka lutur yllin hollivudian për një fotografi dhe ai ka pranuar me kënaqësi.
Fotografia, të cilën ata e publikuan në rrjetet sociale është shpërndarë shumë, sidomos në forumin e Reddit për Reeves.
Excellent photo!
Check out who was in Santa Cruz this past weekend! Keanu Reeves poses with Leslie Walker and Jarrod Camara shortly before their wedding at the Dream Inn!!
📸: Darlette Hayman pic.twitter.com/Qnp4MRSacp— Cristal Hamer (@CristalHamer) August 30, 2018
Jordan Camara, vëllai i dhëndrit, ka thënë për Huffington Post se aktori ishte i mrekullueshëm.
“Keanu erdhi, u foli për dore të gjithëve dhe pastaj e bëri atë pozë fantastike, të cilën e shihni në fotografi”.
“Ishte shumë i qetë dhe i këndshëm. Gjithçka ndodhi pak minuta para martesës, ndërsa nusja dhe dhëndri ishin tejet të gëzuar”, ka thënë Jordan.
Në ndërkohë, Reeves vazhdon punën e tij si aktor. Në fund të muajit gusht është lansuar filmi i ri, “Destination Wedding”, ku luan së bashku me Winona Ryder.
“Replicas” është një tjetër film që do të publikohet gjatë këtij viti, ndërsa ai po punon në vazhdimin e tretë të John Wick, “John Wick 3: Parabellum Films” që do të jetë gati në vitin e ardhshëm. /Telegrafi/