Site icon Telegrafi

Kawhi Leonard shpallet MVP i finales, më meritori për titullin e Torontos

Romak Zeqiri

Kawhi Leonard. (Photo by Ezra Shaw/Getty Images)

Ka përfunduar edicioni 2018/19 në elitën e basketbollit amerikan NBA.

Toronto Raptors është shpallur kampion për herë të parë në histori të klubit.

E më meritori për këtë trofe të Raptors ishte basketbollisti amerikan Kawhi Leonard që ishte fantastik që nga ndeshja e parë në këtë Play Off.


Leonard shkëlqeu në gjashtë sfidat finale ndaj Golden State Warriors, duke u shpallur edhe MVP i finales.

Për Leonard ky ishte çmimi i dytë personal që e fiton si basketbollisti më i mirë i ndeshjeve finale.


Kawhi ishte shpallur MVP i finales edhe në vitin 2014 kur e fitoi titullin me San Antonio Spurs.

Njëherit Kawhi Leonard bëhet vetëm basketbollisti i tretë që fiton dy herë çmimin MVP me dy skuadra të ndryshme, pasi më parë këtë e kishin bërë vetëm LeBron James dhe Kareem Abdul Jabbar. /Telegrafi/

Exit mobile version