David Gilmour, Nick Mason dhe Roger Waters kanë lëshuar një komunikatë në mbështetje të pjesëtarëve të kampanjës që kundërshtojnë rrethimin e Gazës nga Izraeli dhe që ishin arrestuar këtë javë.
Janë bërë 11 vite që nga hera e fundit kur Pink Floyd u bashkuan për koncertin “Live 8” në Londër, por tani tre anëtarët e mbetur të bendit i kanë lënë diferencat e tyre prapa, dhe janë bashkuar për një kauzë të përbashkët. Ajo kauzë, nuk është muzika.
David Gilmour, Nick Mason dhe Roger Waters kanë mbledhur forcat për të dhuruar mbështetjen e tyre për Varkën e Grave në Gaza, një grup i grave nga anë e mbanë bota të cilat filluan lundrimin e tyre nga Barcelona për në Gaza muajin e kaluar të mbështetur nga koalicioni “Flota e lirë”. Varka e grave është ndalur në mes të rrugës nga Flota Marinare e Izraelit, dhe i tërë ekuipazhi është arrestuar. Ata pritet të ekstradohen shumë shpejt.
Kjo iniciativë e ndërmarrë nga Pink Floyd tregon edhe njëherë solidaritetin e artistëve, të cilët ndonëse figura të shquara, nuk hezitojnë t’i bashkohen kauzave të ndryshme për mirëqenien e njerëzve. Të depërtosh tek publiku me anë të solidaritetit dhe emocionit, kjo do të thotë të jesh artist. /Telegrafi/
