Zv. ministri i Jashtëm i Greqisë, me argumentet e tij, e interpretoi marrëveshjen, i bëri thirrje kuvendıt grek që të mos mbështesë propozimin e Demokracisë së Re për mosbesim e qeverisë, një propozim që ai tha ishte një vetëvrasje politike për partinë opozitare, përcjell Telegrafi Maqedoni.
Georgios Katrougalos, duke iu përgjigjur kritikave nga opozita, tha se në marrëveshje nuk përmendet irredentizmi, as kombësia, por vetëm lidhja ligjore e qytetarëve me shtetin.
Katrougalos në fjalimin e tij gjatë një debati në kuvendin grek shpjegoi se marrëveshja do të nënshkruhet nga dy ministra të jashtëm dhe do të hyjë në fuqi vetëm pasi të jetë ratifikuar në kuvendin grek, përcjell korrespondenti i AIM-ës nga Athina. /Telegrafi/