Katie Holmes dhe i dashuri i saj i ri, Emilio Vitolo Jr., thuhet se janë tejet të lumtur për romancën e tyre.
Aktorja e “Dawson’s Creek”, 41 vjeçare dhe shefi i kuzhinës, 33 vjeçar, u lidhën për herë të parë muajin e kaluar pasi u panë së bashku në një restorant në Manhattan.
“Emilio është shumë simpatik, flirtues. Është e lehtë të thuash se si Katie u dashurua në të”, i tha një burim kohët e fundit revistës People.
Ata shtuan: “Ajo duket shumë e dashuruar në të. Ajo vazhdon t’i dërgojë mesazhe Emilio gjatë gjithë ditës dhe ai e do atë”.
Aktorja, ata pretenduan, është ‘goditur’ me kuzhinierin, i cili punon në restorantin e famshëm të New York-t, Emilio’s Ballato.
Holmes me sa duket konfirmoi marrëdhënien e saj në fillim të këtij muaji kur u shfaq në një moment intim me Vitolo Jr ndërsa po darkonin jashtë.
Romanca e re e aktores së “The Secret: Dare to Dream” vjen një vit pasi ajo u nda nga Jamie Foxx.
Holmes bëri kërkesë për divorc nga Tom Cruise, 58 vjeçar, në 2012 pas pesë vjet martese.
Ata ndajnë një fëmijë, vajzën Suri, e cila tani është 14 vjeçe. /Telegrafi/